Kryebashkiaku i Tiranës, Erion Veliaj mbrojti sot në këshillin bashkiak të Tiranës rritjen e çmimit të ujit. “Mor dështak në matematikë bë një llogari të thjeshtë. Ti duhet ta merrje këtë vendim për të mirën e Tiranës, por kishe frikë”, u shpreh Veliaj duke aluduar për kryetarin e PD-së, Lulzim Basha. Duhet thënë se në sallë nuk gjendej asnjë përfaqësues i opozitës.
“Kundërshtojnë ata që s’kuptojnë asgjë, e kundërshtoni kot. I merrni mamit lekë për kafe, jetoni në ‘Facebook’. Burimet e ujit janë akoma si në kohën e xhaxhit”, tha Veliaj.
Ndërkohë që kryebashkiaku fliste jashtë po zhvillohej një protestë e shoqërisë civile. LSI-ja besohet se do ta votojë vendimin, ndërkohë që PD-ja ka heshtur gjithë këto ditë dhe ka mbajtur vetëm sot një qëndrim politik.
220 milion euro është fatura financiare e bashkisë për t’i siguruar Tiranës ujë pa ndërprerje, shumë e cila do të paguhet kryesisht nga taksapaguesit e qytetit.
GSH.al
